Salaketan jasotzen denaren arabera, ustezko erasotzaileak eta salatzaileak Oñatiko taberna baten egin zuten topo eta gizonak behin eta berriro gonbidatu omen zuen emakumea haren etxera. Emakumeak ezetz erantzun arren, gizona tematu eta azkenean emakumeak onartu egin zuen, baina, antza, argi utziz lotara bakarrik joango zela. Emakumea jantzita etzan ei zen ohean eta loak hartu zuen. Geroago esnatu eta emakumeak salatzen du gizona haren gainean aurkitu zuela erasotzen. Gelditzeko eskatu arren emakumean salatzen du gizonak jarraitu egin zuela eta behin ihes egitea lortuta, Ertzaintzarengana jo zuen. Ertzaintza ikerketa abiarazi eta ustezko erasotzailea identifikatu eta gero, atxilotu egin zuten eta Bergarako Guardiako Epaitegian utzi.