Hamar eguneko ikastaroa
Interneteko oinarrizko ezagutzak dituztenendako gai zehatz batzuen inguruko mintegiak egingo dituzte KZgunean. Beheko taulan daude urrian egingo dituztenak, egun eta orduekin.
Bestalde, Internet mundua ezagutzeko 20 orduko ikastaroa emango dute urriaren 6tik 17ra eta 20tik 31ra . Ordenagailua ezagutu, nabigatu eta posta elektronikoa erabiltzen ikasteko aukera izango dute, besteak beste. Hamar egunetako ikastaroa goiz eta arratsaldez emango dute; hain zuzen ere, 09:00etatik 11:00etara, 16:30etik 18:30era eta 18:30etik 20:30era. Mintegietarako eta ikastarorako izena aldez aurretik ematea aholkatzen du KZguneko tutoreak: "Aurretik komeni zaigu jakitea zenbat lagunek parte hartuko duten, gutxi egonez gero ikastaroa bertan behera geratzen da-eta". Izena emateko hauxe da KZgunearen ordutegia: astelehenetik egubakoitzera, 09:00etatik 13:00etara, eta 16:30etik 20:30era.
Beste aukera batzuk
Ikastaroez gain KZgunean nabigatzeko aukera dago. "Nabigazio gelan zazpi ordenagailu ditugu. Bestalde, prestakuntza gelan, ikastaroetarako, hamar ordenagailu ditugu", diosku tutoreak.
| Ikastaroa | Eguna | Ordutegia |
|---|---|---|
| Sinadura elektronikoa | Urriaren 7an eta 22an | 11:00-13:00 |
| Sinadura elektronikoa | Urriaren 16an | 16:30–17:30 |
| Sinadura elektronikoa | Urriaren 27an | 18:30-20:30 |
| Kontsumitzailea sarean | Urriaren 20an | 11:00-13:00 |
| Irudi digitalaren tratamendua I | Urriaren 21etik 22ra | 18:30-20:30 |
| Irudi digitalaren tratamendua II | Urriaren 23tik 24ra | 18:30-20:30 |
| www.eustat.es | Urriaren 24an | 09:00-11:00 |
| Justizia ezagut ezazu | Urriaren 28an | 09:00-11:00 |
| Finantzarekin lan egin I eta II | Urriaren 28an eta 29an |
11:00-13:00 |
| Bat-bateko mezularitza | Urriaren 30etik 31ra | 11:00-13:00 |