Unibertsitate aurrean egingo dituzte zapatu arratsaldean borondatezko alkohol-probak

Hain zuzen ere, zapatu arratsaldean egingo dituzte, 20:30etik 23:30era arte, Unibertsitate etorbidean, Prebentzio sailak eta Sasoia elkarteak antolatuta. Tarte horretan, alkohol-proba egin gura dutenek horretarako aukera izango dute. Sasoia elkarteko kideek Ertzaintzak erabiltzen dituen alkoholimetroak erabiliko dituzte.

Gainera, hainbat aholku emango dizkiete; besteak beste, positibo eman dutenei autoa hartzeko zenbat denbora itxaron beharko duten esango diete.

47 pertsona gidatu ezinik

Iaz, Herri Egunean 401 proba egin zituzten. Egindako alkohol-proben%64,84 positiboak izan ziren. Sexuari dagokionez 181 gizonezkoak ziren eta 79 emakumezkoak. Gainera, positibo eman zutenetatik 47 pertsona (hiru emakume eta 44 gizon) alkoholemia tasa altuagatik ez ziren gidatzeko gai izan, eta itxaron behar izan zuten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.