Bi diskoetako kantuak
Lantzenen agurreko bira bukatuta, Baga-Biga diskoetxearekingrabatutako diskoaren aurkezpena egingo dute Aitor Uriarte oñatiarrak eta bere taldekideek. Hegalik gabe hegan disko berriko kantuak eta Une Nare Eza lehen diskoko kantuak tartekatuko dituzte gaurko emanaldian. "Lehen diskotik gehien gustatzen zaizkigun kantuak aukeratu ditugu, eta bigarren diskokoekin batera joko ditugu. Dena den, oraindik ez dugu zehaztu zenbat kantu izango diren", esan digu taldeko abeslari Aitor Uriartek. Bi diskoetako kantuak joko dituzte kontzertua aberatsagoa izateko.
Hegalik gabe hegan diskoari buruz galdetu diotu Uriarteri: "Lehenengoan baino kontraste gehiago sartu ditugu bigarren ean. Kantu bortitzak eta lasaiak, azkarrak eta motelak, tristeak eta alaiak egin ditugu. Diskoa dinamikoagoa da, eta agian, entzuteko errazagoa".
Bestalde, esan digu diskoaren promoziorako bideoklipa grabatu dutela; hain zuzen ere, Loti ederra kantuan oinarrituta.
Inlogic
UNEren aurretik Inlogic madrildarrek joko dute. Rock-and-roll hetereogeneoa egiten dute, gitarra doinu azkar eta sendoetan oinarrituta. Inlogic taldearen gaineko iritzia eman digu Aitor Uriartek: "Musika ona egiten dute. Ez dute izen handirik, baina gora datorren taldea da. Ingelesez abesten dute, eta abeslariak ahots indartsua du".
Madrildarrek Outside the show bigarren diskoa aurkeztuko dute. Taldearen gaineko informazioa eta egingo dituzten kontzertua datak www.inlogic.com webgunean dute ikusgai.