Ugarkalden egingo diren 17 etxebizitza tasatuak esleitzeko baldintzak finkatuta daude dagoeneko. 17 etxebizitza horietatik, bi gordeko dira familia ugaria diren bizikidetza-unitateentzat eta beste bi, mugikortasun urri eta iraunkorra duten ezgaituren bat duten bizikidetza unitateentzat.
Baldintzak
Etxebizitza tasatuetan izena emateko baldintza ekonomikoak honakoak dira: 2006. urteko diru sarrerek 54.615 euro baino txikiagoak izan behar dute eta, era berean, ezingo dira 27.000 euro baino txikiagoak izan. Informazioa jaso eta izena emateko bulegoa Lizaur kaleko 5. zenbakian dago eta urriaren 15etik azaroaren 15era bitartean eman ahal izango da izena, astelehenetik zapatura bitartean. Informazio gehiago behar izanez gero, 943 03 88 38 telefonora dei dezakezue.