UDAren areto futboleko norgehiagokak Oñatin jokatuko dituzte

Aretxabaletako Ibarra gunean egin behar dituzten berrikuntza lanak direla-eta, areto futbol partiduak Zubikoa kiroldegian jokatzeko baimena eskatu du Aretxabaletako Udalak. Oñatiko Udalak baimena eman dio kantxa urdina eta berdea erabiltzeko.

Dena den, Oñatiko Udalak baldintza batzuk jarri dizkio Aretxabaletakoari. Alde batetik, UDAko taldeek herriko kirol taldeek partidurik ez dutenean jokatuko dituzte euren norgehiagokak. Beste alde batetik, Oñatiko taldeen partiduen egutegietan aldaketarik egingo balute, eta horrek Aretxabaletako taldeen ordutegietan eragina izango balu, lehentasuna Oñatiko taldeek izango lukete.
Bestalde, Udalak hilero fakturako dio Aretxabaletako Udalari kantxaren erreserba. Hain zuzen ere, 32,65 euro ordainduko dituzte. Gainera, UDAko partiduetan
instalazioetan eta kirol ekipamenduetan kalterik egingo balute, Aretxabaletako taldeak hartuko luke bere gain konponketako faktura.

Antzuolako pilotariak

Antzuolako pilotalekua berritzeko lanak egiten dituzten bitartean, hango pilotariak Zubikoako  frontoian egingo dituzte entrenamentuak. Era berean, eskuko eta palako partiduak Oñatin jokatuko dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.