Informazioa ikastetxeetan
Arduradunek udaleku irekien gaineko informazioa astelehenean banatuko dute herriko hiru ikastetxeetan. Ikasleek eroango dute etxera hurrengo asteko eguaztenean edo eguenean.Lukene Astigarraga eta Nagore Oianguren izango dira udaleku irekietako koordinatzaileak.
Iaz, 250 neska-mutikok parte hartu zuten udalekuetan; besteak beste, tailerrak, irteerak eta San Fermin eguna ospatuko dute. Dena den, oraindik egitaraua lotu barik dute.
Begiraleak
Udalekuetako begiraleak topatzeko Udalak egindako deialdiak erantzun zabala izan du: 40 inguruk eman dute izena. Hurrengo pausua begirale kopurua aukeratzea izango da. "Lehen-lehenik zenbat ume izango ditugun jakin beharko dugu. Taldeak zehaztu ondoren, zenbat begirale behar ditugun erabakiko dugu", esan digute arduradunek.
Aukeraketa egiteko baldintzetan zehaztutakoak hartuko dituzte kontuan; hain zuzen, EGA eta begirale tituluak, esperientzia eta ikasketak