Eduki hau partekatzeko esteka arbelera kopiatu da.
Martxoaren 25ean egindako Tokiko batzarrean hartu zuen Oñatiko Udalak frankismoak utzitako ikur eta arrastoak kentzeko erabakia. Bide horretan, herriko hainbat etxebizitzetan agertzen diren plakak kendu egingo dituzte. Guztira, 31 topatu dituzte herriko 12 kaletan; gehienak babes ofizialetako etxeetan dauden plakak dira, ikur falangistak dituztenak hain zuzen ere. Errekalden, Moiua kalean eta Kale Zaharra dira era honetako ikur gehien dituztenak.