Udalaren kasuan, ordutegia murriztu egingo da. Negu partean, udal bulegoak, astelehenetik zapatura zabaltzen da. Bada, uztaila eta abuztuan, zapatuetan, itxita egongo da.
kultur etxeko zerbitzuak
Kultur etxean eskaintzen diren zerbitzuetan, uztailaren 3an jarri zen indarrean udako ordutegia.
Hala. ordutegi aldaketarik nabarmenena, haur liburutegiak du. Ikasturtean zehar, arratsaldez zabaldu arren, uda partean, goizez zabaltzen ditu ateak: 10etatik 13,00etara. Halaber, abuztuan, haur liburutegia itxita egongo da.
Nagusien liburutegia aldiz, abuztuan, zabalik egongo da. Hala, ordutegi ezberdina edukiko du uztailean eta abuztuan.
Uztailean, goizeko 10etatik, 13,00etara zabalduko da; eta, arratsaldez, bostetatik zortzietara. Abuztuan aldiz, goizez bakarrik zabalduko da: 9,30etik, 13,30era. Halaber, udako ordutegia indarrean dagoen bitartean, zapatuetan, liburutegia itxita egongo da.
Kultur etxean dagoen, KZ guneak ere ordutegi aldaketa izango du. Nabigatzeko ordutegia moldatu egin da: goizeko 10etatik, 13,00etara izango da.