Udako kirol kanpainako zozketarako zenbakiak gaur eta bihar banatuko dituzte

Mireia Bikuña 2009ko eka. 9a, 12:34
Hain justu ere, gaur 09:00etatik 13:30era eta 15:00etatik 19:00etara, eta bihar 09:00etatik 13:30era izenemate orriak entregatu beharko dituzte kiroldegiko bulegoan. Orri bakoitzean gutxienez ume baten eta gehienez hiru umeren izenak jar daitezke. Ondoren, banatutako zenbakiekin zozketa egingo dute eguenean eta emaitzak kiroldegiko iragarki taulan jarriko dituzte.

Behin betiko izenematea zozketaren arabera egokitutako orduan eta egunean egin beharko dute. Egokitu zaien orduan izena ematen ez dutenek, izenematea bukatu arte itxaron beharko dute. Behin betiko izenematea ekainaren 15ean, 16an, 17an, 18an eta 19an egingo dute. Matrikulazioa egiterakoan aukeratutako kirola, ordua eta txanda zehaztu beharko dituzte, eta ordainketa eskura egin beharko dute kiroldegian. Horren harira, lau txanda egingo dituzte: ekainaren 29tik uztailaren 10era; uztailaren 13tik 24ra; abuztuaren 4tik 14ra; eta abuztuaren 18tik 28ra.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak