Bi urtean behin egiten dute Txistularien Alardea Oñatin eta zapatuan, apirilak 21, da hurrengoa, 24. aldia. Kontzertua herriko plazan izango da, 19:00etan eta Euskal Herri osoko txistulariak hartuko dute parte. Horiekin batera egongo dira, noski: Oñatiko udal musika bandako boskotea, Aloña abesbatza, Oñatz dantza taldea eta Oñatiko bertso eskolako kideak.
Zapatuko Txistularien Alardean Miguel Biain oñatiar txistularia zena omenduko dute. Duela ia bi urte hil zen.