Lehen emanaldiko sarrerak agortu dira eta erabaki dute bigarren saio bat antolatzea. Egun berean izango da, maiatzaren 24an, 18:30ean.
Maiatzaren 24an, zapatua, datoz Txirri, Mirri eta Txiribiton junior pailazoak Oñatira. 17:00etako emanaldirako sarrera guztiak agortu egin dira dagoeneko, eta horregatik, udaleko kultura sailak erabaki du bigarren saio bat antolatzea. Bigarren emanaldia 18:30ean izango da. Sarrerak kultura etxean daude salgai: 3 euro balio du.