Gaztetxoa, abertzalea, sasoiko gorputza eta "label-sexua". Hori da Maitanek eskaintzen duena. Oñatiko musua eta arrantzalearen postura egiten ditu. Amaierara aldera heltzean, kontuz, baina, irrintzia botatzen du Maitanek eta osteko zigarroa baino, agian, arto-bizarra nahiago izango du. Merkatuari gainera mugak ireki eta baserrian ere harrera egiten ei du. Baten baino gehiagoren fantasia bukolikoak betetzeko nahikoa, hortaz. Zein euskalkitan esan probokatuko zaitu? Bezeroaren gustuen arabera? Ba al daki euskaraz?
Goiena.net-etik saiatu gara harekin harremanetan jartzen baina hainbat tonu eman eta gero, erantzungailua ateratzen da. Gainera ezin zaio Maitaneri mezurik laga, antza, buzoia bete beteta daukalako. Sagardotegi denboraldia hasi delako ote?
Argitu ezin izan duguna da "Oñatiko musua" zelan eman ala jasotzen den. Oñatiarrek ez digute erantzun gura izan. Zuk badakizu?
Blogarien artean ere zeresana piztu du Maitaneren eskaintza beroak: Hona horietako batzuk:
- Sustatu.com: "Oñatin, jakin badakite."
- loveof74.com: "Maitanek ez du konstituzionalistarik gura"
- El Jukebox (Diario Vasco): "Eta nola harten zaitu, lentzerian eta takoidun zapatekin ala palestinoa eta mendirako botekin?"
Erantzun zuk ere.