Gaur ospatuko dute San Migel eguna. 09:00etan egin dute goizeresia txistulariek. 10:00etan hasi dute Txopekuan herri mailako plater tiroketa txapelketa. 13:00ean udal musika bandak kontzertua egingo du plazan. 18:00etan Makalena elkartekoak Lizargarteko Txamao antzerkia egingo dute unibertsitate aurrean. 19:00etan kale antzerkia egingo dute, eta 23:00etatik aurrera Damba taldeak musika estilo ezberdinekin kontzertua egingo du.
Txosna gunean
Txosna gunean ere askotariko ekitaldiak egingo dituzte gaur: 14:00etan baba jana egingo dute; 17:30ean pilota txapelketako finalak jokatuko dituzte plazako frontoian; eta 21:30ean herriko taldeek kontzertua egingo dute: Kontaminazion Akustika, CC627, EZ! eta Drakes taldeak igoko dira oholtzara.