Abenduak 21, ostirala
Olentzero etorriko da Ikastolara. Olentzero gelaz gela ibiliko da Haur Hezkuntzako ikasleekin solasean. 11:00ak aldera Lehen Hezkuntzako ikasleek San Martinen egingo diote harrera Olentzerori, eta ondoren, Oñatiko kaleetan barrena kalejira egingo dute.
Olentzero goizean ere Elkar Heziko haurtzaindegian izango da. Baita Haur eta Lehen Hezkuntzako ikasleekin ere. Ekintza ugari egingo dituzte.
Santo Tomas azoka. 11:30etik aurrera Txantxiku ikastolako DBHko 2. mailako ikasleek Santo Tomas azoka antolatuko dute herriko azokan. Bertan, baratzean jasotako eta etxean egindako produktuak salgai izango dituzte. Bestalde, Santo Tomas eguneko ohiturari jarraituz, txistorra ogitartekoak ere izango da.
Abenduak 24, astelehena
Urteroko ohiturari jarraituz Ikastolako kideek (guraso, ikasle, langile eta laguntzaileak), herritarrekin batera, Gabon kantak abesten irtengo dira:
Irteera ordua: 12:00etan, Ikastolako jolaslekuan.
Bukaera: 13:30ean gutxi gorabehera plazan. Ondoren, Gurasoen Kontseiluko kideen eskutik, salda hartzeko aukera izango da
Ibilbidea: Ikastola – Bidebarrieta - Errementari plaza – Motxon kalea – Atzeko kalea – Etxaluze – Kale Barria – Kale Zaharra - Plaza
(Eguraldi txarra egingo balu, ibilbidea aldatu egingo da)