Txantxiku Ikastolak egitarau zabala prestatu du Euskararen egunerako

Euskararen eguna, astelehenean, abenduaren 3an, ospatuko da. Txantxiku Ikastolak ekintza ugari prestatu ditu bai gaztetxoendako eta baita gurasoendako ere:

Haur Hezkuntzan:  Geletan eskulanak egingo dituzte: Argixo Iratxoaren irudia margotu, kriseilua eta txanoa egin…  Ondoren, DBHko ikasleek ipuinak kontatuko dizkiete. Goiza bukatzeko dantza saioa izango dute jolastokian trikitilariek alaituta.

Lehen Hezkuntzan: Eskulanak, maila arteko ipuin kontaketa, eta ekitaldia plazan: jolasak, abestiak, hizki jolasaren bidez eguneko leloa asmatu…

Bigarren Hezkuntzan: Arratsaldean, TTAK ikasleen euskara taldeak antolatuta gaztelekuan jaialdia egingo dute:

  • Bertso paper lehiaketako sari ematea
  • Bideoak
  • Zuzeneko musika emanaldia
  • Txistematoia
  • Laburmetraiak
Gurasoei zuzenduta: Gurasoen Euskara Taldeak antolatuta Kantu Saioa egingo da. Plazan elkartu eta kalerik kale euskal kantak abesten arituko dira.

 

 





ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.