Txanda txartelaren erabiltzaileendako promozioak

Oñatiko Dendarien Elkarteak bezeroen fideltasuna sarituko du datozen hilabeteetan. Horretarako, hainbat promozio jarriko ditu abian.

Alde batetik, txartelarekin lortutako puntuak –hamar euroko erosketa bakoitzarengatik puntu bat– txekeengatik trukatzeko aukera izango dute bezeroek. Hori horrela, 200 puntu lortzen dutenek hamar euroko txekea jaso ahalko dute Rural Kutxako bulegoan. Promozioa baliagarria da 2011ko apirilaren 30era arte.

Sari zuzenak

Beste alde batetik, maiatzean, ekainean, urrian eta azaroan bost, hamar, 15 eta 50 euroko sari zuzenak banatuko dituzte. Azkenik, Madalena gasolindegian Txanda txartela erabiltzen dutenek %2ko beherapena izango dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.