Primi Erostarberi omenaldia
Protagonistak, baina, ez dira trikitia, panderoa eta irrintziak bakarrik izango; jaialdiko protagonista nagusia Primi Erostarbe izango da (1907-1995). Araozko Zumalde baserrian jaio zen Erostarbe; handik Elgetara joan zen bizi izatera eta gero Donostiara. Euskal Herriko emakume pandero-jole eta irrintzilaririk ezagunenetarikoa izan da.
Parte hartuko duten taldeak
Jaialdian parte hartuko dute: Oñatiko musika eskola, Ospas eta Janire, Izer aita-semeak eta Alabier, Landa aita-semeak, Joseba Tapia eta Eztanga anai-arrebak, Lajatarrak eta Oriatarrak.
Jaialdiaren ondoren, afaria
Jaialdiaren ondoren, afaria egingo dute Etxeberria jatetxean. Afarira joan gura dutenak txartelak erosi beharko dituzte Urbia eta Umerez tabernetan 25 euroren truke. Dagoeneko salgai daude txartelak.