Gummi izeneko proiektuarekin Euskadiko Kutxako Gaztenpresak emandako saria jaso zuten zapatuan: egileendako, 500 euroko txekea Decathlonen gastatzeko, eta ikastetxearendako 250 euro kirol materiala erosteko.
Gomazko takoak
Gummi delako asmakizunak patinekin oinez ibiltzeko aukera ematen du. Goma bigunaz egindako takoak patinaren beheko aldean sartzen dira. Takoa material bigunez eginda dagoenez, gurpilaren formara egokitu eta patinetean itsatsita geratzen da.
Txantxiku ikastolako bi ikasleok egindako asmakizunarekin, aldapak igo daitezke patinekin. Gainera, patinekin ibiltzen uzten ez diguten tokietan, gomazko takoak ipinita, ez ditugu patinak kendu beharko.
2008an, beste sari bat
2008an ere Txantxiku ikastolako hiru ikaslek, Ainhoa Anduagak, Arantzazu Ugartek eta Miren Aranburuk, Tecnun saria irabazi zuten erraketendako gehigarri batekin. Hain zuzen, erraketetan tenis piloten potea eroateko gailua diseinatu zuten. 1.000 euroko txekea irabazi zuten eurendako, eta oroigarri bat ikastetxearendako.