Enborra presan
Usakoko udako kanpaina ekainaren 25ean hasi zuten arren, egun batzuetan bainua hartzea debekatu zuten. Aurreko egunetan egindako euriteen ondorioz enbor handi bat zegoen presa inguruan. Dena den, bainatzeko debekua kendu dute. "Ekainaren 27an kendu zuten enborra. Gainera, urpekariak egon ziren erreka garbitzen. Dagoeneko, ez dago bainatzeko arazorik", esan digu Carrascalek. Usakoko instalazioak erabiltzeko moduan daude.
Aldagelak apurtuta
Eusko Jaurlaritzako Osasun Sailaren agindua betetzeko, hainbat egokitzapen lan egin zituen Udalak 2008an. Sorosle zerbitzua jartzeaz gain, iturria, dutxak eta soroslearendako aldagela eta komuna egokitu zituen, besteak beste. Orduko lanak Construcciones Ugarte enpresak egin zituen 66.000 euroren truke. Iazko neguan aldagelak apurtu zituzten, baina aurten ez da aparteko arazorik egon.