BTP gidabaimena
Funtzionario izaera duten lanpostuetara aurkeztu ahal izateko bete beharreko baldintzak dira: 18 eta 32 urte artekoa izatea; eskola graduatua, lehen mailako Lanbide Heziketa edo titulu baliokidea izatea; eta gizonezkoek 1,65 metroko garaiera izan beharko dute gutxienez, eta emakumeek 1,60 metro. Hautagaiek bestalde, B motako gidabaimena edo baliokidea eta ibilgailu bereziak gidatzeko BTP baimena egiaztatu beharko dute.
Bost froga
Hautagairik aproposena aukeratzeko bost azterketa egingodituzte. Lehena ariketa teorikoa izango da. Bigarren hizkuntza eskakizuna egiaztatzen ez duten hautagaiek euskarazko azterketa egin beharko dute. Hirugarrena gaitasun fisikoa neurtzeko azterketa izango da. Ariketa praktikoa eta jarrera proba izango dira laugarren eta bosgarren frogak.
Azterketa guztiak bukatuta, lehiaketa fasea egingo dute: hain zuzen ere, norberak duen esperientzia baloratuko dute.
12 hilabeteko praktikak
Lanpostua eskuratzen dutenek prestakuntza ikastaroa egingo dute, eta ondoren 12 hilabeteko praktika aldia. Azken horiek gainditzen duten hautagaiek karrerako funtzionario izaera jasoko dute.