Sari barik baina harrera beroa jasota itzuli da Arregi Goya sariketatik

Sari barik baina lortutakoarekin ezin poziago itzuli da Aitor Arregi Goya sarien banaketatik. ‘Invisibles’ deritzon ekoizpenari eman diote dokumental onenari saria baina oñatiarra ez da esku hutsik itzuliko herrira. Galan bertan bere lanak izandako harrera onaren lekuko izan dela kontatu dio hark Arrasate Irratiari eta baita ere Lucio Urtubiari buruzko filma egingo dutela; momentuz, gidoiaren hastapenetan ei daude. Dioenez, galan bertan akademiako kide ugari gerturatu zitzaien egindako lana zoriontzeko.

"Konpetentzia handia eta oso izen ezagunak egon dira aurten eta izendatuta egotearekin soilik, pozik geunden". Hala laburtzen du Iñigo Arregik Espainiako Zinema Akademiak urteko lan onenak saritzeko egiten dituen Goya sarietan sentitutakoa. Beste 30 lanen artean aukeratu zuten Lucio filma dokumental onenen artean eta oñatiarrak dio 'aukeratua izatea nahikoa izan' dela.

 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.