Aurtengo San Migel eta Errosario jaiek 161.000 euroko aurrekontua dute. Kopuru horren zati bat Nekazarien Elkarteari ematen dio Udalak Herri Eguna antolatzeko eta beste kopuru bat txosna batzordeari euren egitaraua lotzen laguntzeko. Adin eta gustu guztietako ekitaldiak prestatu dituztela dio German Meabebasterretxea kultura teknikariak. "Aurten saiatu gara kale ikuskizunen aldeko apustua egiten, hiruzpalau orduko emanaldiek gero eta arrakasta gutxiago dute-eta".
Bestalde, jaien 4.500 egitarau argitaratu eta banatu ditu kultura sailak, Kontzejupetik aldizkariak beste. Aste honetan banatu dituzte egitarau horiek etxez etxe. Egitarauak 52 orrialde ditu eta koloretan dago.