Madrilgo Gobernuak emandako baldintzen arabera, lan guztiak azaroaren 31rako bukatu beharko dituzte. Oñatikoak martxa onean doaz, eta, azken orduko ezustekorik ez badago, epeak beteko dituzte.
Parkea eta jolaslekua
Une honetan, postetxe atzealdean dihardute lanak egiten. Guardia Zibilaren kuartelaren aurrean parkea eta jolaslekua egokituko dituzte. Bestalde, aurrerago, Ibarra aldera doan bidegorria pasako da postetxe atzealdetik. Gainera, Cegasa aurreko biribilguneko lanak bukatzen dihardute. Lizaur kaletik doazen autoek saihesbiderako bidea har dezakete dagoeneko.
1,9 milioi euro
Kanposanturako bidean hainbat lan egin dituzte; besteak beste, horma eta kanposanturako oinezkoen bidea konpondu eta bizikletendako bidegorria egin dituzte. Aurrerago, kanposantuko bidearen parean jolas-lekua egokituko dute. Gainera, Euskadi Etorbide inguruko oztopo arkitektonikoak kendu dituzte.
Udalak 1,9 milioi euro jasoko ditu Madrilgo Gobernutik lanok egitearren: 720.000 euro postetxeko autobus geltokia berritzeko, 718.000 euro kanposanturako bidea konpontzeko, eta 467.000 euro Euskadi Etorbideko irisgarritasun lanak egiteko.