OÑART Oñatiko Arte Taldeak ageriko pintura lehiaketa antolatu du, Udalaren laguntzarekin batera. Domekan egingo dute lehiaketa. Goizean 09:00etatik 11:00etara euskarriak markatu egin behar dira OÑARTen egoitzan, Kultura Etxean, eta lanak 13:00etatik 14:00etara aurkeztu behar dira. Edozeinek hartu dezake parte; gaia eta teknikak libreak dira.
Erakusketa
Epaimahaiak domekan bertan emango du bere epaia. Sariak dira:
- Lehenengo saria: 620 euro
- Bigarren saria: 390 euro
- Hirugarren saria: 260 euro
- Hiru horietan sartu ez den lehenengo oñatiarrarendako: 225 euro
- Horiez gain lau sari emango dira 16 urtetik beherako partaideen artean
Lehiaketan aurkeztutako lanekin erakusketa egingo dute kultura etxean urriaren 7tik 19ra bitartean.