Ibilgailu batek 75 urteko emakume bat harrapatu zuen astelehenean Euskadi etorbidean. Udaltzainek emandako datuen arabera, 19:55ean gertatu zen istripua. Antza, aparkatuta zeuden autoen artetik abiatu zen emakumea errepidera eta zetorren autoaren gidariak ez zuen ikusi, eguzkia ere kontra zuelako. Emakumea Arrasaten dagoen Debagoieneko ospitalera eraman zuten; golpeak eta saihets bat ei zuen apurtuta.