Kosta zaio gola egitea, baina Azkoagainen jokatutako partiduan, uneoro ikusi da Aloña Mendiren nagusitasuna Zumaiakorekiko.
Beroa izan da partiduko protagonistetako bat: negu girora ohituta, jokalariek tenperatura altuagoetara egokitu beharra izan dute-eta. Baina kontuak kontu, azkenean Oñatin geratu dira hiru puntuak.
Golak bigarren zatian
Lehenengo zatian oñatiarrek ezin izan badute euren nagusitasuna goletan erakutsi, bigarren zatiko lehen minutuetan Aloñako Haritzek eta Asier Ugartek egindako golei esker, aurrea hartzea lortu dute. Azken minutuak jokalari bat gutxiagorekin jokatu beharrak ere ez die zumaiarrei lagundu. Azken emaitza, 0-2 izan da.
Garaipena lortuta seigarren jarraitzen dute oñatiarrek eta datorren astean, bigarrena den Hernani izango dute aurkari.