Eguaztenean inauguratuko dute parrokiako argiztapen berria

Turismoarendako egokitu ondoren parrokiako argiztapen berria inauguratuko dute eguaztenean, 17:00etan. Erretaula eta aldare nagusiak, kripta, eta Errosario eta Pietateko kaperak argiztatu dituzte. Gutxiago kontsumitzen duen LED argi sistema erabili dute eta bisita turistikoendako egokitu dute. Guztira, 120.000 euroko aurrekontua erabili dute lanok egiteko. Foru Aldundiak eta Turismo eta Garapen Agentziak ordainduko dute erdibana.

Oñatiko Udalak eta Gipuzkoako Foru Aldundiak 2008an abian jarritako proiektua bukatutzat ematen dute argiztapen berriaren inaugurazioarekin. Helburua parrokiako argiztapena berritzea eta turismoarendako egokitzea zen.

Erretaula nagusira zuzenduta zeuden lau fokuetako intentsitatea jaitsi egin dute. Lehen 300 lux-eko potentzia zegoen erretaulara begira, eta egun 50 lux ingurukoa. Gainera, erretaulako irudi bakoitzari foku bana jarri diote. Bestalde, programa informatikoaren bidez, unean uneko elizkizun eta ospakizunen arabera piztu eta erregulatu ahalko dute parrokiako argien intentsitatea.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.