Hamar eguneko ikastaroa
Interneteko oinarrizko ezagutzak dituztenendako gai zehatz batzuen inguruko mintegiak iragartzen ditu KZguneak. Beheko taulan daude otsailerako iragartzen direnak, egun eta orduarekin. Bestalde, Interneti buruzko xehetasunak ezagutzeko 20 orduko ikastaroa emango da otsailaren 18tik 29ra. Ordenagailua ezagutu eta nabigatu eta posta elektronikoa erabiltzen ikasteko aukera egongo da, besteak beste. Hamar egunetan zehar emango den ikastaroa goizez izango da, 09:00etatik 11:00etara. Mintegietarako eta ikastarorako izena aldez aurretik ematea aholkatzen du KZguneko tutore Izaskun Hernandok."Aurretik komeni zaigu jakitea zenbat lagunek parte hartuko duten, gutxi egonez gero ikastaroa bertan behera geratzen da-eta". Izena emateko hauxe da KZgunearen ordutegia: aste barruan 09:00etatik 13:00etara eta 16:30etik 20:30era.
KZguneko mintegiak, otsailean
| Ikastaroa | Eguna | Ordutegia |
|---|---|---|
| Enplegu bat sortu |
Otsailaren 15ean |
11:00-13:00 |
| Sinadura elektronikoa |
Otsailaren 18an |
18:30-19:30 |
| Sinadura elektronikoa |
Otsailaren 27an |
16:30-17:30 |
| Irudi digitalen tratamendua |
Otsailaren 25ean eta 28an |
11:00-13:00 |
| Bat-bateko mezularitza |
Otsailaren 21ean eta 22an |
18:30-20:30 |
| Osasun txartel elektronikoa ezagutu |
Otsailaren 18an |
19:30-20:30 |
| Osasun txartel elektronikoa ezagutu |
Otsailaren 27an |
17:30-18:30 |
| Euskal Estatistika Erakundea |
Otsailaren 14an |
9:00-11:00 |
| Bidaiari gisa, zure eskubideak |
Otsailaren 19an |
18:30-20:30 |
| Komunikatu posta elektronikoz |
Otsailaren 13an |
9:00-11:00 |
Beste aukera batzuk
Ikastaroez gain KZgunean nabigatzeko aukera dago. "Nabigazio gelan zazpi ordenagailu ditugu, eta jendea batez ere arratsaldetan etortzen da. Bestalde, prestakuntza gelan, ikastaroetarako, hamar ordenagailu ditugu", diosku Izaskun Hernandok.