Hainbat partaide ditu Pastoral Barrutiak; hain zuzen ere, herriko hiru parrokietako ordezkariek (Mikel Deuna, Urrexola eta Araotz); Bidaurretako eta Agustindarretako kideek; hiru monasterioetako arduradunek; Elkar Hezi kristau eskolako kideek; eta auzoetako kristau elkarteetako ordezkariek.
Helburu nagusia da: sinismenaren egoera berri baten aurrean, erantzun berriak eman ahal izateko lana egitea. Alegia, ebanjelioa zabaltzeko bide berriak topatu behar dituzte. Batez ere, laikoen presentzia indartu behar dute, horretarako behar duten laguntza emanez.