Oñatiko odol-emaileak omendu zituzten Eibarren

Gipuzkoako Odol-Emaileen Elkarteak 25, 40 edo 50 aldiz odola ematen duten lagunak saritu zituen urriaren 21ean Arraten, Eibarren. Bada, egun horretan omenaldia jaso zutenen artean, hamabi emaile oñatiar zeuden.

Domina edo garaikurra

Hogeita bost aldiz odola ematearren, domina eta diploma jaso zuten Iñaki Barrenak, David Blazquezek, Miguel Angel Etxeberriak, Jesus Legorburuk, Jesu Marquinezek, Jon Murguzurrek, Mertxe Odriozolak eta Mirari Zubiak.

Halaber, garaikurra jaso zuten odola 40 aldiz eman duten emakumeek eta odola 50 aldiz eman dute gizonezkoek. Hala, Ana Mari Lazkanok, Maria Pilar Regueirok, Florencio Agirrebaltzategik eta Jose Zubeldiak jaso zuten omenaldia.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.