Oñatiko gazteekin grabatu zuen programa bat ETB1eko Sut & Blai programako lantaldeak. Gaztelekuan, bertso eskolako gazteekin eta Malenkonia taldekoekin grabatu zituzten elkarrizketak eta irudiak ETBkoek. Ekainaren 20an grabatu zuten programa eta datorren astelehenean, irailak 17, emitituko dute, 18:45ean. Egubakoitzean, 21ean, errepikatu egingo dute.
Sut & Blai gazteekin eta gazteendako programa da. Herri jakin bateko gazteek herria nolakoa iruditzen zaien eta zer egiten duten kontatzen dute. Astelehenean Oñatiko gazteek Oñatiri buruz duten iritzia ikusi eta entzungo da.