Oñatiko duatloirako izenematea zabalik dago

Izena emateko bide bakarra dago; hain justu ere, Triatloi Federazioko webgunean eman behar da izena, hango izenemate orria beteta. Hala, federatuta daudenek martxoaren 12ra arteko epea dute izena emateko, eta federatu ez direnek, martxoaren 7ra arte. Ondoren, Kutxako edo Euskadiko Kutxako kontu korronteetan ordainketa egin behar da: federatu direnek 20 euro, eta federatu ez direnek, 30 euro.

Oñatiko XVII. duatloia martxoaren 15ean jokatuko da. Aurreko urteekin alderatuta ez dago berrikuntzarik. Hala, 16:00etan hasita parte hartzaileek, lehen lehenik, zortzi kilometro egin beharko dituzte korrika. Ondoren, boxean bizikletak hartuta, 42 kilometro bete beharko dituzte. Bukatzeko, herriko  kaleetan beste lau kilometro egingo dituzte korrika.

Helmuga, plazan

Duatloiaren irteera eta helmuga tokiak plazan egongo dira. Era berean, zapatillak kendu eta bizikleta hartzeko gunea ere plazan kokatuko da. Iaz, Mikel Elgezabal eta Virginia Berasategi izan ziren azkarrenak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.