Beilatokia eraiki duten tokia, toki egokia da Moyua hileta zerbitzuetako Migel Anjel Moyuaren ustez, izan ere, beilatoki berria herritik hurbil egoteaz gain (bertara oinez joan daiteke), sarrera toki ezkutuan dauka eta hala, intimitatea izango du familiak.
Beilatokian hitu gorpurendako tokia egongo da. Gorpu bakoitzak bere gelatxoa izango du eta kristal baten beste aldetik ikusi ahal izango du familiak hildakoa. Ikusi nahi ez duenak ez du ikusi beharrik izango, familia egongo den gelatxotik bertatik ez da eta gorpua ikusiko. Migel Anjel Moyuak beilatokian biltegi handi bat ere egin du, eta bertan ipiniko ditu ikusgai saltzeko dituen hil kutxak. Hileta-autoa sartzeko sarrera bat ere egin du, eta baita lan egiteko bulegoa ere. Bertatik eskainiko ditu orain arte eskaintzen zituen zerbitzuak.
Beilatokiaren beharra egon bazegoela dio Moyuak, izan ere, oraindik baserrietan gorpua bertan izateko ohitura badagoela badio ere, jende gehienak tanatorio zerbitzua eskatzen du gaur egun.
Langileek beilatoki berritik egingo dute lana, eta 10:00etatik 21:00ak arte egongo da zabalik, familiak bestelakorik eskatzen ez badu behintzat.