Chateaubernard-etik datozen 72 bisitariendako egitarau zabala prestatu du Anaitze Batzordeak.
Egubakoitzean 17:30ak aldera helduko dira Oñatira, eta herriko familien artean banatu ondoren, eta 19:00etan bisita egingo dute herrian zehar. Udal ordezkariek harrera egin diete udaleko osoko bilkura aretoan, 20:00etan. Etxe Aundin afalduko dute.
Zapatuan 09:45ak aldera irtengo dira autobusez Arrikrutz aldera, 10:30eko bisita gidatuan parte hartzera. Arantzazuko monasterioa bisitatuko dute eta bertan bazkalduko dute. Arratsaldean, 19:30ean kultur ekitaldia egingo dute Oñatz Dantza taldekoek. Aste bukaeran Aloña Mendi kirol elkartekoek garagardo festa egingo dutela aprobetxatuz, plazako karpan afalduko dute guztiek. 21:00etan bilduko dira garagardoa edateko, txerri-ukondoa jateko, eta musikaz gozatzeko.
12:00etan hasiko dute ekitaldi ofiziala. Bi herrietako udal ordezkariak Anaitze Monumentuaren aurrean elkartuko dira. Aurreskua dantzatu ondoren, udal ordezkariek hitza hartuko dute eta alkateek aktak sinatuko dituzte.
Ondoren Udal Musika Bandak kontzertua egingo du, eta 14:00etan bazkaria egingo dute Soraluze jatetxean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak