Orain arte osasun zentroan tramitatzen zuten txartela, astelehenetik egubakoitzera 10:00etatik 17:00etara; baina aurrerantzean beste hiru tokitan egingo dute: Udalean, astelehenetik egubakoitzera 09:00etatik 13:00etara eta 16:00etatik 20:00etara; kultura etxean, astelehenetik egubakoitzera 16:30etik 20:30era; eta, kiroldegian, astelehenetan, eguaztenetan eta egubakoitzetan 11:00etatik 13:00etara, eta martitzenetan eta eguenetan 11:00etatik 13:00etara eta 17:00etatik 19:00etara.
Askotariko tramiteak
ONA txartelak orain darabilgun Osakidetzako txartela ordezkatzen du. Besteak beste, Osakidetzako, Eusko Jaurlaritzako, Foru Aldundiko eta Estatuko Administrazioko tramite guztiak egiteko aukera ematen du.
Era berean, udal zerbitzuetan erabil daiteke. Hau eta nagusien liburutegietan kontsultak egin eta liburuak maileguan hartu, udal errolden kontsulta egin, eta isunen gaineko informazioa jaso, besteak beste.