Tamaina ezberdinetakoak
Olaburu zentroak 1.800 metro koadro ditu bi solairutan. Behekoan 200 metro koadroko bi tailer daude, eta gainerako metro koadroak lehen solairuan. Eraberritze lanak bukatuta tailerretarako zazpi lokal eta zerbitzuetarako sei bulego edukiko dituzte. Lokalak tamaina ezberdinetakoak dira.
Etxe bakoitzean bi familia
Enpresa berrien sustapenerako lau laguntza mota ematen ditu Udalak: enpresa ideiaren bideragarritasun azterlanerako laguntza (300, 600 edo 900 euro); Olaburun lokal lagapena egiteko laguntza; Saiatu programa garatzeko laguntza; eta, laguntza bereziak. Laguntza horietakoren bat eskuratu gura dutenek bete beharreko baldintzak dira: Oñatikoa izatea edo Oñatin erroldatua egotea; Oñatikoa ez izan arren sortu berri duen enpresa Oñatin helbideratuta egotea; eta, enpresak, gehienez, urtebete izatea. Gainera, hamar langile baino gutxiagoko enpresa izan beharko du, eta kapital soziala 120.000 euro baino gutxiagoa.
Langile bakoitzeko 1.000 euro
Enpresa berrian sustapenerako araudian zehazten duten moduan, enpresa berriak abian jartzeko sortutako lanpostu bakoitzarengatik dirulaguntza jasoko dute. Horren harira, enpresak alta ematen duenean, langile bakoitzarengatik 1.000 euro jasoko ditu. Langileen kontratua partziala bada, dirulaguntza proportzionala izango da. Urte bakoitzean langileri kopuruan gehikuntza balego, langile bakoitzeko 1.000 euro jasoko luke enpresak. Langile berri bakoitzeko laguntza hiru urtera arte luzatuko du Udalak.