NatraZahorreko arduradunen esanetan, banatzaile markek %31,8ko merkatu kuota izan dute 2008ko lehen seihilekoan. Gainera azaldu zuten, txokolatearen sektorean banatzaileen markek, urteko %9ko hazkundea dutela. Aldiz, norbere marken igoera %2ko dela.
NatraZahorreko arduradunek diote, Europako 30 banatzaile nagusienen artean 24tan daudela presente: "Gure bazkideen artean daude Carrefour, Tesco eta Metro bezalako taldeak". Era berean, AEBetan eta Txinan euren produktuak merkaturatzen dituzte.
Bestalde, Natrako arduradunek azpimarratu zuten eurek direla kakao eta txokolate deribatuetatik produktuak egiten dituzten enpresen artetik indartsuenak, eta iaz 384 milioitako salmentak izan zituztela.
Berrikuntza
Sei miloitako inbertsioarekin produktu berriak egiteaz gain (barritak, bonboiak eta txokolate tabletak, besteak beste), diru horrekin berrikuntza arloan hainbat proiektu egiten dihardutela esan dute Oñatiko txokolate fabrikakoek.