"Musika eta argia izango dira protagonistak. Ikuskizun berezia da, jendeak gertutik jarraitu ahalko duena. Ez dira ohiko su artifizialak. Hori horrela, ez dugu segurtasun distantziarik gorde behar. Halako ikuskizunak oso gertukoak dira", esan digu Astondoako Lourdes Ojendorenak.
Oñatin ikusi ahalko den ikuskizuna propio prestatu dute. Leku bakoitzeko tokiaren arabera saio ezberdinak egiten dituzte. "Oñatiko plazak aukera asko ematen dizkigu. Udaletxeko fatxada ikaragarria da, eta iluntasunean, argiz eta musikaz jantziko dugu", diote antolatzaileek.
Ohitura berreskuratu
Iaz ez zen su artifizialik egon San Migeletan. Hori horrela, hainbat herritarrek eurek kexak helarazi zituzten Udalera. "Herritarren kexak eta iradokizunak jaso genituen su artifizialak eskatuz. Ez genuen uste horren garrantzitsuak zirenik. Aurtengo jaietako aurrekontua egiterakoan ez ditugu ahaztu gura izan. Ea, bada, gustuko duzuen", esan digu Lourdes Idoiaga alkateak.