Musika Eskolakoak egubakoitzean irtengo dira kalera 17:15ean, txarangarekin eta batuka taldearekin. 17:45ean emanaldia egingo dute Foru plazan, akordei eta triki-pandero taldeek, eta bi abesbatzek. Festa bukatzeko, txokolate-jana egingo dute gaztelekuan.
Zapatuan, aldiz, hainbat abesbatzek emanaldiak egingo dituzte: Ganbara Txiki Abesbatzak 19.00etan Santa Anan; Parrokiako Abesbatzek 19:00etako elizkizunean; eta, Oñati Abesbatzak 20:15ean Agustindarren elizan.
Musika banda
Bestalde, domekan, Udal Musika Bandakoek kontzertu berezia egingo dute euren zaindaria omentzeko. Ibarrondoren zuzendaritzapean hainbat pieza eskainiko dituzte Santa Anan, 12:30ean. Azkenik, Egunkaria auziko pertsonei babesa emateko kantu emanaldia egingo dute plazan, 19:30ean. Bertso eskolako kideek egindako koplak abestuko dituzte.