Bi abesbatzek eskainiko dituzten pieza guztiak erlijiosoak dira, baina jazz, soul eta rock estiloetara moldatu dituzte. Pieza batzuk pianoz lagunduta eskainiko dituzte; bestea batzuk, gitarrarekin eta bateriarekin; eta, beste batzuk, a capella.
Bi berezitasun
Bi taldeek eskainiko duten egitarauan azpimarratzekoak dira, jazz estiloan konposatutako meza (A little jazz Mass), eta gitarraren eta bateriaren laguntzarekin eskainiko duten rock estiloko Requiem-a.
Bi abesbatzekin batera parte hartuko dute kontzertuan Eli Mendiaratz piano jotzaileak; Aitor San Migel gitarra jotzaileak; Kristina Larrañaga baxu jotzaileak; eta Oihan Vega bateria jotzaileak.
Bestalde, Leire Zelaiak eta Amaiur Umerezek egingo dituzte bakarlari lanak oñatiarren artean; eta Nere Ibarra izango da Gaberoko bakarlaria.
'Oh happy day'-ko gonbidatuak
Bestalde, berriro ikus ahalko ditugu Ganbara Gazteko neska-mutikoak ETB1eko Oh happy day saioan. Klaudio Landak zuzenduko duen biharko saioko gonbidatuak izango dira oñatiarrak, eta ABBA taldearen hainbat kantuekin egindako potpourria eskainiko dute. Biharko saioa martxoaren 5ean grabatu zuten Miramonen, eta kanporaketa eguna izango da Oh happy day-n. Eibar, Mallabia eta Orio daude arriskuan. Horietako batek utziko du lehiaketa.
Ganbara Gazte abesbatzak lehiaketako lehen edizioan parte hartu zuen. Ez zen finalera heldu (Errenteriako abesbatzak irabazi zuen), baina 10 aste egon zen