Mozorro ugari Errosaixo Bixamon Egunean

Orain artekoarekin nahikoa ez-eta, oñatiarrek jaietan murgilduta jarraitzen dute oraindik. Zapatuko baserritar jantzia kendu eta mozorroa jantzi dute gaur, Errosaixo Bixamon Eguna behar den moduan ospatzeko.
Tarteka euripean eta tarteka eguzki izpipean, herriko kaleak kolorez jantzita ageri dira gaur. 

Lehen orduetan ohi baino jende gutxiago bazebilen ere, eguerdiko ordu bata alderako, jendez beteta ikus zitezkeen Oñatiko kaleak eta plaza bera.

Andaluziarrak, mexikarrak, harriketarrak, piratak, Grand Prixen lehian dabiltzanak, San Ferminetara joandakoak, satorrak… denetarikoak aurkitu ditugu bertan.

Agerikoa da oñatiarrek mimoz prestatu dituztela gaurko egunerako jantziak eta zenbaitek hori bakarrik ez, askok karrozak ere atera dituztelako.

Gaurkoa da jaietako azken eguna eta eguraldia ez da oztopo izan; giro ona ziurtatuta dago gaur Oñatin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.