Gauetan ere bai
Gauetan bi aparkalekuak erabiltzeko aukera ere badago. Hala, gaueko bederatzietatik goizeko bederatzietara arte autoa lagatzeagatik, 50 euroko abonuak jarri dira herritarren eskura. Halaber, parking publikoetan txartel barik aparkatzen duenari edo ordaindu barik joaten denari 50 euroko isuna jarriko zaio.
Bi aparkalekuen funtzionamendua ona dela ziurtatzeko segurtasun neurriak hartu dira. Bi aparkalekuetako sarrera-irteera kontrolaz gain, beste hainbat neurri hartu dira, autoen matrikulak irakurtzeko sistema eta zaintza kamerak, besteak beste. Kalegoienako eta kiroldegiko lurrazpiko aparkalekuen segurtasuna udaltzaingoren ardura izango da aurrerantzean; hartarako, bi parkingak, zuntz optikoaren bidez udaltzaingoaren egoitzarekin lotu dira. Halaber, sarrerako kontrolak huts egiten badu txirrina bat egongo da bertan, larrialdietarako.