Markelen Lagunarteak antolatuta, spinning eskolak Euskalteleko ziklistekin

Hilaren 29an egingo dute kirol saioa Euskaltel Euskadi taldeko txirrindulariek, 16:00etatik 19:00etara arte. Besteak beste, Iban Velascok, Amets Txurrukak eta Aitor Galdosek parte hartuko dute. Step eta spinning saioetan parte hartu gura dutenendako izenemate epea bihar bukatuko da. Hain zuzen ere, kiroldegiko monitoreei eman behar zaie izenak, eta bost euro ordaindu. Eskolak bukatu ondoren opariak zozketatuko dituzte parte-hartzaileen artean.