Lokala okupatu dute gazteek Kasablankan

"Hainbeste ezezko entzun ondoren, okupazioaren bidea izan da gelditu zaigun aukera bakarra", diote gazte batzarreko kideek. Uztailaren 16an okupatu zuten Otadui Zuhaiztiko 1. zenbakia. Ordutik "buru-belarri" dabiltza lokal berria txukuntzen. "Gaztetxea batzarretan eta autogestioan oinarritutako gune bihurtu gura dugu. Asteon hasi gara hainbat kultura ekintza antolatzen, toki paregabea da-eta", azpimarratu dute okupazioaren berri emateko komunikatuan. Okupazioaren inguruan Lurdes Idoiaga alkateak bere iritzia eman digu: "Gu okupazioaren kontra gaude. Herrian tokia dago guztiondako; hortaz, gaztetxeak elkarlanean garatutako proiektua izan behar du, ez okupazioren bidea erabilita lortutako gunea".