Euskadiko mendiko bizikletako zirkuituko azken proba egin dute asteburuan, Kantabrian. Berez, lasterketa Open Astur-Kantabro txapelketarako zen, baina jokoan zeuden puntuak Euskadiko Txapelketarako ere baliagarriak ziren. Hala, kadete mailako lasterketan hirugarren sailkatuz, Iker Eskibelek txapeldun izateko beharrezkoak zituen puntuak batu zituen.
Bederatzi proba
Euskadiko mendiko bizikleta zirkuituak hamar lasterketa izan ditu aurten. Erandion egin zuten lehenengo lasterketa, apirila hasieran, eta txapelketak iraun duen hiru hilabete pasatxoan Lizarralde kirolak taldeko mutila izan da erregularrena, izan ere, ia proba guztietan lortu du podiumera igotzea, eta horrek eman dizkio txapeldun izateko beharrezkoak zituen puntuak.