Lizargarateko trikitizale elkartekoek festa egingo dute zapatuan. Egitarau borobila osatu dute. 12:00etan Arrano tabernan elkartuko dira eta triki-poteoa egingo dute. 13:30ean Larrain Gain elkartean bazkalduko dute, eta ondoren Laja eta Narbaizak erromeria egingo dute elkartean bertan. 19:00etan triki-poteoan ibiliko dira eta 20:30ean San Anton plazatxoan erromeria egingo dute Izerrek, Alabierrek eta Lurtxundixok. Afaldu ondoren jarraituko dute erromeriarekin.
Trikitiari bultzada
Lizargarateko Trikitizale elkartea 2008an sortu zen trikitiari bultzada emateko asmoz. Zortzi lagunek dihardute taldean.