Baldintzak eta betebeharrak
Liburutegiko tekniko laguntzaile lanposturako hautagaiek hainbat baldintza bete behar dituzte: besteak beste, goi mailako batxilergoko titulua, bigarren mailako lanbide-heziketa titulua edo legediak parekotzat hartzen duen beste edozein tituluren bat edukitzea; eta, hirugarren hizkuntza-eskakizuna edo baliokidea izatea.
Lanpostua eskuratzen duenak, liburutegian lan administratiboetan lagundu eta liburutegiko zerbitzua artatu beharko du. Besteak beste, erabiltzaileei arreta eskaini; Euskadiko Liburutegien Sistema Nazionalaren aplikazioa erabiliz dokumentuak katalogatu eta sailkatu; liburutegien arteko mailegu eskaerak artatu; aldikako argitalpenak kudeatu; egunkari eta aldizkariak artxibatu eta liburutegiak antolatutako erakusketetan bisita gidatuak egin.
Lau froga egingo dituzte
Hautaketa prozesua oposaketa-lehiaketa bidez egingo dute, eta guztira lau froga egingo dituzte. Lehenengo eta hirugarren azterketak teorikoak izango dira. Bigarrena euskararen gainekoa izango da. Azkenik, laugarrenak bi zati izango ditu: proba praktikoa eta informatikari buruzkoa