Lau edukiontzi bidaliko dituzte aurten Argentinara

Argentinako Elkartasun taldeak urterako plangintza aldatu behar izan du. Orain arte, urtero hiru edukiontzi bidali dituzte Argentinara. Baina, aurten lau bidaliko dituzte. Arrazoia da Bidebarrietako lokalean material asko dutela. "Orain arte urtarrilean, maiatzean eta irailean bidaltzen genituen edukiontziak. Aurten baina, bat gehiago bidaltzea erabaki dugu. Urtarrilaren 12an bidali genuena banatzen hasi dira dagoeneko. Hurrengoa apirilean bidaltzeko asmoa dugu, eta hurrengoak uztailean eta urrian", esan digu taldeko kide Jose Antonio Urteagak.