Alde batetik, pibote edo oztopo-zutoinak jaisteko giltzak gordetzeko ontziak jarriko ditu etxeetako orma edo paretetan. Horren harira, udal arduradunek, udaltzainek eta su-hiltzaileek zehaztuko dituzte ontziak jartzeko lekuak, eta bizilagunen baimena beharko dute giltza-guneak orman sartzeko. Beste alde batetik, larrialdi zerbitzu guztiei jakinaraziko dizkiete giltza-guneen koordenadak, eta kaleetan seinaleak jarriko dituzte.
Aldundia eta Osakidetza
Oñati izango da giltza-guneak jarriko dituen lehen herria. Udalaren, Foru Aldundiaren eta Osakidetzaren artean koordinatuko dute egitasmoa, zirkulazio mugatua dagoen erdiko kaleetan larrialdi zerbitzuek erantzun azkarra eman dezaten. Horretarako, Aldundiak eta Osakidetzak eginkizun zehatzak izango dituzte; besteak beste, Aldundiak giltzak gordetzeko ontziak konponduko ditu; eta Osakidetzak zerbitzu guztiak koordinatuko ditu.